Protesta e 23-të rradhazi do të zhvillohet ditën e sotme në Tiranë, ku qindra mijëra qytetarë priten të mblidhen në kryeqytet. Përmes këtyre protestave ata kanë kërkuar anulimin e projektit të Zvërnecit dhe dorëheqjen e kryeministrit Edi Rama. Fillimisht qytetarët u grumbulluan në sheshin “Skënderbej” dhe më pas marshuan masivisht drejt Kryeministrisë, ku dhe zhvilluan fjalimet e tyre.
Me pankarta në duar, thirrje përmes megafonëve, protestuesit adresuan kërkesat e tyre ndaj qeverisë, duke kërkuar mes të tjerash edhe largimin e saj. Gjatë protestës janë lëshuar thirrje edhe ndaj opozitës. Në këtë tubim ishin të pranishëm edhe shqiptarët e diasporës, në mbështetje të revoltës masive të shqiptarëve që jetojnë në vend.
Protesta e tyre ka marrë jehonë kombëtare dhe ndërkombëtare, pasi ka tërhequr vëmendjen e shumë mediave të huaja. Paralelisht me protestën në Tiranë, tubime janë zhvilluar edhe në Diasporë. Mijëra emigrantë kanë protestuar në Milano, Firence, Holandë, Francë, Nruksel, Austri, Londër, Gjermani dhe Norvegji. Me pankarta në duar dhe flamuj kuqezi, ata kanë bërë thirrje pëe ndryshim dhe rrëzimin e klasës së vjetër politike.
“Rama ik, Berisha ik”, “Tirana digjet Rama krihet”, “Edi Rama dorëhiqu”, “Boll më”, “Atdheu nuk është në shitje”, ishin disa nga pankartat që protestuesit mbanin në duar ditën e djeshme.
Discussion about this post