Atentatorët e ditës së djeshme në “Don Bosko” dyshohet se kanë ngatërruar objektiv, pasi shënjestra e tyre mund të ketë qenë Edmond Crroj, daja i Erion Çelës që mbeti viktimë nga atentati. Atentatorët mësohet se kanë mbajtur nën monitorim Edmond Crroj, për të pritur momentin që ai të bëhej bashkë me dy nipërit e tij.
Autorët qëlluan ditën e djeshme nga një mjeti tip “Benz”, drejt lokalit ku ndodheshin viktima dhe personat e tjerë. Erion Çela, i cili mbete i vrarë nga atentati ishte në pritje të një vajze, ndërsa ishte pronar i një tabakino, që ndodhej pranë skenës së krimit. Daja i tij, që dyshohet se ishte shënjestër e atentatit, mësohet se kishte probleme me drejtësinë jashtë shtetit për lëndë narkotike.
Ndërkohë nga burime pranë grupit hetimor bëhet me dije se në vendngjarje nuk është gjetur asnjë gëzhojë, pasi atentatorët janë siguruar që ata të bien të gjitha brenda automjetit, targat e të cilit raportohet se janë vjedhur në Vlorë. Ky detaj ngre dyshime se vrasja është kryer nga vrasës me pagesë.
Lidhur me 19-vjeçarin e plagosur, Azbi Selmanaj, mësohet se ai ka qenë në lokal si klient dhe jo si kamarier, por nuk ka asnjë lidhje me viktimën dhe të plagosurit e tjerë.
Discussion about this post