Automjeti i vjedhur që u gjet tre ditë më parë në Paleo Faliro, lidhet me veprimtarinë e një krimineli shqiptar të përfshirë në grabitje, raportojnë mediat greke.
Në sendiljen e pasme të makinës u gjet një kallashnikov, një granatë, karikatorë, një bidon benzinë dhe një helmetë.
Shqiptari u “tradhtua” nga analizimi i gjurmëve të gishtërinjve dhe ADN-së të gjetura në makinën e vjedhur.
Megjithatë, ka ende shumë pikëpyetje për shënjestrën e 39-vjeçarit dhe nëse bëhej fjalë për atentat apo për grabitje.
Shqiptari ka qenë i përfshirë në grabitjen e bankomateve, ndërsa në të kaluarën është arrestuar dy herë, një herë në Patra dhe një herë në Athinë.
Zbulimi i automjetit
Makina ishte e parkuar në rrugën Niriidoon 73 pranë një çerdheje në zonën e Palaio Faliro.
Njëri nga fqinjët ka vënë re se automjeti prej ditësh nuk ka lëvizur dhe për shkak të problemeve të mëdha të parkimit në zonë ka lajmëruar policinë mëngjesin e së premtes së kaluar.
Me të mbërritur në vendngjarje, efektivët e policisë konstatuan se makina kishte mbante targa false dhe se ishte raportuar i vjedhur në shtator në zonën e Nea Jonisë.
Njëkohësisht nga xhami i makinës u vu re në sendiljet e pasme u gjet një kallashnikov.
Menjëherë është ngritur alarmi dhe zona është rrethuar.
Madje, u kërkua që të largoheshin fëmijët e vegjël në çerdhe, e cila u mbyll për arsye sigurie.
Mjeti u kontrolluar nëse në të ishte montuar lëndë plasëse dhe nëse brenda tij kishte ndonjë mjet shpërthyes së bashku me armën.
Brenda makinës gjatë kontrolleve u gjet kallashnikovi, granata, karikatorë, benzinë dhe një helmetë. Dyshohet se autorët, pas sulmit që po përgatisnin, do t’i vinin zjarrin mjetit me benzinë për të zhdukur gjurmët e tyre.
Pas gati tre orësh ka përfunduar këqyrja në vend dhe automjeti së bashku me gjetjet janë dërguar në laboratorët e mjekësisë ligjore, nga ku grabitësi shqiptar u identifikua me gjurmët e gishtërinjve dhe prova të tjera të ADN-së.
Discussion about this post