Atentat me armë shqiptarit në Barcelonë, detajet e para

Një shqiptar ka mbetur i plagosur si pasojë e një atentati me armë zjarri që iu bë në Barcelonë.

Shqiptari, sipas raportimeve, ka marrë një plagë në gjymtyrët e poshtëm dhe po trajtohet në spital. Nga dëshmia e parë e dhënë për policinë, shqiptari ka deklaruar se bëhej fjalë për grabitje.

Por dyshimet janë se konflikti ka ndodhur për çështje të pambyllura të drogës, edhe pse shqiptari e ka mohuar një gjë të tillë.

Ngjarja ndodhi në zonën e Montalegre, ngjitur me unazën e Dalt, B-20, në Badalona. Hetimet po kryen nga skuadra speciale “Mossos”, e cila dyshon se atentati ka lidhje me trafikun e marijuanës.

Identiteti i shqiptarit nuk bëhet i ditur për shkak të hetimit.