Atentat në Greqi, plagosen me armë zjarri pronari shqiptar i një restoranti dhe djali i tij

Pronari shqiptar i një restoranti në Greqi dhe djali i tij mbetën të plagosur si pasojë e të shtënave me armë zjarri.

Mediat greke raportojnë se ngjarja ka ndodhur Agios Dimitrios në Athinë, ndërsa të plagosurit janë pronari 70 vjeç dhe djali i tij 39 vjeç.

Ngjarja ka ndodhur në orën 02.40 të mëngjesit të sotëm, kur një person ka hyrë brenda lokalit “O gyros tou asyrmatou” që ndodhet në rrugën “Politexniou 70” në pronësi të shtetasit Negri Sinovarfaj, 39 vjeç dhe ka hapur zjarr ndaj tij dhe babait të tij 70-vjeçar.

Sipas të njëjtave informacione, 70-vjeçari u qëllua në këmbë. Djali i tij 39-vjeçar u plagos në kofshë dhe pulpë.

Oficerët e policisë që mbërritën në zonë mblodhën gjithsej 4 gëzhoja. Pas të shtënave, tre autorët u larguan me makinë në drejtim të panjohur, ndërsa FBI-ja greke ka marrë përsipër hetimin e rastit.