Një atentat me armë zjarri ka ndodhur gjatë mesnatës së 13 korrikut, në Neapoli të Selanikut. Sipas mediave greke një person është plagosur rëndë nga të shtënat me armë zjarri. Dyshohet se i plagosur ka mbetur një emigrant, i cili është sulmuar nga një grup prej gjashtë personash.
Dëshmitarët okularë shprehen se në vendngjarje janë dëgjuar të paktën tre të shtëna me armë zjarri. Policia dyshon se një nga personat e përfshirë në ngjarjen e përgjakshme, para se të largohej nga skena e krimit ka mbledhur gëzhojat për të mos lënë asnjë gjurmë për policinë.
Emigranti i plagosur ka kërkuar ndihmë në një pikë karburanti në kryqëzimin e rrugëve Venizelou dhe Legada, ku një punonjës ka telefonuar menjëherë urgjencën. I riu ndodhet në spital në gjendje kritike për jetën.
Discussion about this post