24-vjeçari, i cili mbeti i plagosur mëngjesin e sotëm në fshatin Mushan të Shkodrës, mësohet se është kushëri i parë vëllezërve Mehmedaj, ku Hydajet Mehmedaj është i dyshuar për vrasjen e Ridvan Ramazani më 28 nëntor 2020.
Gjykata e Rrethit Gjyqësor Shkodrë ka caktuar masën e sigurisë “arrest me burg” për shtetasin Hydajet Mehmeti, i dyshuar si bashkëpunëtor në vrasjen e Ridvan Ramazanit.
Sipas policisë, Mehmedaj në bashkëpunim me dy persona të tjerë, kanë vrarë me armë zjarri shtetasin Ridvan Hyseni (Ramazani), 46 vjeç, banues në fshatin Darragjat, Shkodër.
Ndërkohë, policia po merr në pyetje 24-vjeçarin, Isak
Mehmedaj-n për të zbardhur dinamikën e plotë të ngjarjes, por edhe për të identifikuar autorin apo autorët e kësaj plagosje.
Më herët i riu ka deklaruar para uniformave blu se nuk e di kush është ai që e ka plagosur me armë zjarri.
Pista kryesore e cila po heton policia e Shkodrës është ajo e hakëmarrjes, ndërkohë që mbetet për t’u parë në qoftë se kjo plagosje ka lidhje me vrasjen e 28 nëntorit të 2020.
