Atentate dhe vrasje, saga e vëllezërve Bashaliu në Peqin që çoi në ekzekutimin e 35-vjeçarit

Viktima e vrasjes në Peqin, Albi Bashaliu rezulton të jetë një emër i njohur për drejtësinë. Sipas informacioneve, Bashaliu ka qenë i arrestuar në vitin 2017, pasi akuzohet se për motive të dobëta ka qëlluar me armë zjarri në drejtim të dy personave.

Albi Bashaliu, në atë kohë qëlloi me automatik në drejtim të V.SH, 57 vjeç dhe A.B, 38 vjeç, banues në Peqin. Këta dy persona i “falën” plumbat dhe nuk kanë pasur lëndime nga të shtënat me armë.

Ndërkohë, policia sekuestroi në vendngjarje në cilësinë e provës materiale, 18 gëzhoja armë zjarri model 56 të kalibrit 7.62mm, 1 fishekë i pa plasur model 56 të kalibrit 7.62mm si dhe një automjeti tip “Volkswagen” me targa AA 226 ES në pronësi të tij.

Ndërkohë, policia po heton edhe pistën e hakmarrjes, pasi i vëllai i tij ndodhet në burg për vrasje.