Shënjestra e sulmeve me tritol në këtë 6 mujor të parë të vitit 2022 kanë2 qenë automjete, biznese dhe banesa. Nga fillimi i janarit të paktën 24 shpërthime me lëndë plasëse janë regjistruar duke prodhuar kështu një viktimë.
Policia ka arritur zbardhjen e plotë të vetëm 3 prej këtyre ngjarjeve, ndërsa pjesa tjetër është ende nën hetim. Viktima e parë e shpërthimit ishte Aleksandër Sadikaj, i cili humbi jetën teksa udhëtonte me makinë në autostradën Tiranë-Elbasan.
Të riut nga Tepelena ju vendos një sasi prej 200 gram tritol në automjet, çka i shkaktoi vdekjen. Por sipas hetuesve, shumica prej këtyre ngjarjeve kanë si qëllim paralajmërimin dhe jo eliminimin final.
Megjithatë për policinë është e vështirë zbardhja e ngjarjeve të tilla, pasi autorët marrin masa për të mos u zbuluar duke treguar kujdes në realizimin e krimit.
Ndryshe nga vitet e tjera, këtë vit vendosjes së lëndës plasëse nuk i shpëtuan as punonjës policie, president federatash, por edhe persona të tjerë me funksione të rëndësishme.
Një natë më parë në hotelin e ish-drejtorit të ALUIZNI-t dhe aktualisht drejtor pranë Kujdesit Shëndetësor, ju vendos për herë të dytë një sasi tritoli. Po ashtu 2 ditë më parë drejtoreshës së Operatorit të Kujdesit Shëndetësor Shkodër.
Suida Kuka arriti në kohë të lajmëronte policinë për një pako të dyshimtë që ishte në gomën e makinës së saj.
Pas këqyrjes u rezultuan se ishte bombë me telekomandë. Vitin e kaluar janë regjistruar gjithsej 31 shpërthime eksplozivi.
Për 9 prej këtyre ngjarjeve janë zbuluar autorët me 23 persona të përfshirë, ku 12 janë arrestuar, 4 ndaluar dhe 7 janë hetuar në gjendje të lirë.
Discussion about this post