Vrau e ushtarakun 20-vjeç në Korçë, autori shok i fëmijërisë, e ndoqi me kallash në dorë

Ky është 20-vjeçari Joan Zuko, viktima që mbeti i vrarë pasditen e së shtunës në lagjen 14 në Korce. Ai shërbente si ushtarak te Forcat e Armatosura.

Mësohet se autori Kristjan Sterio e ka ndjekur të riun, i cili nuk banonte në këtë lagje, teksa përpiqej të fshihej në një pallat. Më pas e ka kapur brenda pallatit dhe e ka vrarë me armë zjarri kallashnikov.

Pas vrasjes, autori është arratisur. Dyshohet se autori dhe Joan Zuko kanë qenë shokë pasi janë rritur bashkë. Për autorin raportohet të jetë person me precedent penalë për armëmbajtje pa leje dhe plagosje.

Policia e ka identifikuar dhe po vijon punën për kapjen e tij. Në disa zona janë ngritur postblloqe dhe janë blinduar të gjitha akset kombëtare që lidhin Korçën me qytetet e tjera duke përqendruar forca të shumta policie në rrugët kryesore.

gijotina.com/