Është zbardhur dëshmia që Orlando Pepkola, shënjestra e atentatit të sotëm në rrugën dytësore në Shijak, ka dhënë para uniformave blu. Pepkola ka qenë duke shpërndarë bombola oksigjeni me kamionçinë, kur autorët e kanë qëlluar.
Mësohet se, i riu ka deklaruar se autorët e kanë ndjekur rreth 10 metra deri në momentin që e kanë qëlluar, ndërsa shton se nuk ishin fytyra të njohura për të.
“Një automjet më doli përpara dhe hapi zjarr. Më kanë ndjekur rreth 10 metra, nxorën automatikun nga thesi. Nuk i njoh autorët”, ka thënë ai.
Pepkola shtoi se s’ka probleme me asnjë njeri dhe prej 1 muaji ka nisur punën tek një kompani për shpërndarjen e bombolave të gazit në institucione dhe biznese të ndryshme.
“Nuk kam probleme me asnjë person. Unë prej një muaji kam nis pune te kompania dhe shpërndaje bombola oksigjeni neper institucione te ndryshme dhe biznese. Skam lidhje me njerëzit, as me pagesa, asgjë. As probleme personale apo familjare nuk kam”, shtoi ai.
Kujtojmë se, atentati ndodhi paraditen e sotme, ku fatmirësisht i riu ka arritur të shpëtojë pa lëndime, ndërsa policia është në kërkim të identifikimit dhe arrestimit të autorëve.
Discussion about this post