Të tjera detaje janë zbardhur lidhur me atentatin që u parandalua dje nga policia në Berat, ku tre persona, tashmë të arrestuar, dyshohet se do të kryenin një vrasje kundrejt pagesës.
Lidhur me ngjarjen janë shpallur në kërkim Hamit Berisha, Arli Shehu dhe Ermal Gora. Ata kishin marrë një automjet tip ‘Chervolet’ me qera për 5 ditë, për të ndjekur shënjestrën i cili shkonte çdo fundjavë në Berat.
Por duket se plani i tre të arrestuarve dështoi pasi shënjestra nuk shkoi në Berat dhe për këtë arsye i shpëtoi atentatit.
Ditën e djeshme policia gjeti një motoçikletë e vjedhur në Kosovë, bashkë me një armë zjarri automatik me silenciator, një pistolete me silenciator, municion luftarak, 2 skafandra, veshje kamuflazh (xhup meshini), 2 radio, dylbi, dorashka dhe lëndë djegëse.
Armët e gjetura janë dërguar në Laboratorin e Policisë Shkencore.
Hamit Berisha, Arli Shehu dhe Ermal Gora janë shpallur në kërkim për akuzat “Sigurim të kushteve dhe mjeteve për të kryer vrasje” dhe “Prodhimi e mbajtje pa leje të armëve, armëve shpërthyese dhe municionit luftarak”.
Discussion about this post