Një tjetër detaj është zbuluar nga dëshmia e babait të 25- vjeçarit Xhuljano Bullari i cili dy ditë më parë u ekzekutua me 4 plumba në Vlorë. Babai i Bullarit, është shprehur se djali i tij ishte larguar nga banesa për të pirë kafe.
Ai ka treguar për mediat, se i riu u largua nga banesa në Babrru, në Tiranë, rreth orës 18.00 apo 19.00 të pasdites së të premtes, si zakonisht për të pirë kafe. Ndërsa theksoi se nuk dinin që ai të kishte konflikte dhe se i riu priste të shkonte te i vëllai në Gjermani dhe se me Vlorën nuk e lidhte asgjë.
Sakaq kujtojmë se i riu u gjet mëngjesin e djeshëm pa shenja jete në makinën “Fiat Punto” në Babicë të Vlorës. Dyshimet janë se ai është qëlluar nga personi që ishte pasagjer në mjet. Ndërkohë është zbuluar se mjeti ishte në pronësi të një vajze. Policia ende po vijon për të zbuluar se kush janë autorët e vrasjes së 25-vjeçarit.
