Janë zbuluar emrat e dy shqiptarëve të arrestuar nga autoritetet policore greke, ku dyshohen si autorë të atentatit të regjistruar më 15 Dhjetor të vitit të kaluar në një lokal në Thermomakedonon të Athinës, ku mbeti i vrarë Irakli Davella dhe u plagos Edi Luloas alias Etmond Hysa.
Në pranga janë vënë shtetasi Jenis Tulja, 44 vjeç nga Tirana dhe Mirjan Guveli 45 vjeç nga Saranda. Ata janë arrestuar në një operacion të zhvilluar njëkohësisht në dy banesa në lagjet “Nea Smyrni” dhe “Peristeri” të Athinës, ku mësohet se është sekuestruar edhe një armë zjarri.
Jenis Tulja dhe Mirjan Guveli janë zbuluar pas këqyrjes së kamerave të sigurisë së lëvizjes së mjetit nga u qëllua me armë zjarri.
Mësohet se dy të dyshuarit nuk kanë lidhje me viktimat çka i bën hetuesit grekë të dyshojnë se ata janë vrasës me pagesë. Të tjera detaje pritet të zbulohen në orët në vijim.
Në lidhje me atenatit, autoritetet greke kanë vlerësuar që në momentin e parë se bëhej fjalë për larje hesapesh, nisur nga e kaluara e Irakli Davellës, i cili dyshohet se ka lidhje me persona që janë vrarë në konfliktet e ndezura mes grupeve rivale dhe mafies greke.
Gjithashtu, në vitin 2009 kundër Davellës ishte ngritur një hetim për organizim kriminal dhe zhvatje, ndërsa pas kësaj ai duket se nuk i kishte shqetësuar më autoritetet.
Një persona me shumë interes për hetimet ka qenë edhe i plagosuri rëndë në kokë dhe në bark, Etmond Hysa. Vetëm pak ditë para ngjarjes së rëndë ai kishte ardhur nga Dubai, për të cilin hetuesit grek besojnë se ka luajtur rol në atentat. Me fjalë të tjera, ata vlerësojnë se ndoshta ardhja e tij në Greqi ka qenë për një arsye specifike, gjë që ka mobilizuar një grup rival, i cili ka dashur ta ekzekutojë.
Bizneset e Irakli Davellës
Irakli Davella rezulton të ketë marrë nënshtetësi greke në vitin 2009. Ai është pronar i një lokali në zonën e Peristerit në Athinë dhe gjatë verës jepte edhe automjete me qera në ishujt grekë.
Në vitin 2006 ai rezulton të ketë rregjistruar me vendim të Gjykatës së Sarandës, një biznes “Kafe-Bar-Restorant, si dhe tregëtimin e e artikujve të ndryshëm dhe ushqimor e pije alkoolike me pakicë dhe shumicë” në Delvinë, biznes i cili rezulton ende aktiv me NIPT K66424544U me qendër në Mesopotam, Bashkia Finiq.
Gjithashtu në vitin 2020 ai rezulton të ketë regjistruar biznes në fshatin Xarrë të Bashkisë Konispol për kultivimin e agrumeve, i cili tashmë është çregjistruar
Discussion about this post