Në mjetin e djegur tip “Volvo”, në Balldre janë gjetur dy armët e krimit për ekzekutimin mafioz të Ardjan Çollakut dhe Lulzim Bitrit. Armët e zjarrit janë automatike të modelit kallashnikov dhe një automatik tjetër tip “Scorpions”.
Pritet që me dërgimin në ekspertizën e armëve të zbardhen detaje të reja lidhur me autorët. Të cilët nga hetimet e deritanishme dyshohet të kenë qenë 3, njëri në timonin e automjetit ku u krye krimi, tjetri që ka qëlluar dhe një tjetër që ka pritur tek vendi ku do digjnin makinën dhe më pas do të largoheshin. Ndërsa theksojmë se automjetet e të vdekurve ishin të tipit Class 2015 që nuk preken nga plumbat, çka tregon se viktimat i druheshin një atentati të tillë.
Ngjarja ndodhi mbrëmjen e së hënës pranë një pike karburanti, ku viktimat Bitri dhe Çollaku janë qëlluar me mbi 17 plumba. Në tryezën e hetimeve për këtë ngjarje ndodhen pamjet filmike të bizneseve përreth që pritet të zbardhin çdo lëvizje të atentatorëve. A.L/ gijotina.com
