Policia ka zbardhur detaje për atentatin në Elbasan. Sipas bluve viktima Lulzim Bitri njihet zyrtarisht si Lulzim Tapia. Një plumb në kokë e një në shpinë i kanë marrë jetën. Në vendin e ngjarjes janë sekuestruar 23 gëzhoja automatiku.
Ndërsa viktima tjetër që ka qenë shënjestër e këtij atentati ka marrë një plumb në kokë.
Ngjarja ka ndodhur rreth orës 19:00 në një lokal, pranë një pike karburanti. Autorët që dyshohet se ishin dy, të maskuar dhe armatosur e kanë pritur shënjestrën Lulzim Bitrti, të fshehur në makinë tip “Volvo” disa metra larg karburantit, por me fushëpamje të qartë, pasi si duket kishin informacion mbi lëvizjet.
Në momentin që 50-vjeçari Çollaku së bashku me Bitrin, ka ardhur pranë karburantit ka parkuar makinën dhe sapo doli për të hyrë në ambientet e lokalit u qëlluan me “Scorpions” e Kallashnikov duke i lënë të vdekur të dy.
