Grupi hetimor që po heton vrasjen e Ramazan Sinës 29 vjeç, dhe plagosjen e dy fëmijëve të Gentian Bejtjes, përkatësisht 13 dhe 10 vjeç, ka mundur të marrë dëshminë e një personi, që ka parë skenën e ekzekutimit nga dritarja e banesës së tij.
Sipas informacioneve mësohet se dëshmitari është banor në të njëjtën lagje me Gentian Bejtjan, që mendohet se ishte objektivi i atentatit, edhe pse raportohet se nuk ndodhej në banesë në momentin e të shtënave.
Dëshmitari ka pohuar për grupin hetimor se pas të shtënave ka parë nga dritarja tre persona që po largoheshin dhe momentin kur ata kanë qëlluar edhe njëherë, rreth 20-25 metër larg vendit të ngjarjes, ku edhe janë gjetur 4 gëzhoja.
Për shkak të ndriçimit të kufizuar dëshmitari nuk ka mundur të identifikojë, apo fiksojë shenja dalluese tek autorët.
Gjithashtu ka raportime se Policia ka sekuestruar pamjet e një kamere sigurie, e cila ndodhej në banesën e Gentian Bejtjes.
Për shkak të këndit të shikimit, në pamjet filmike është fiksuar vetëm lëvizja e njërit prej tre autorëve, por pa mundësi identifikimi.
Viktimë nga sulmi me armë, që ndodhi në orët e para të 4 korrikut, mbeti kunati i Gentjanit, Ramazan Sino, 29 vjeç, si dhe janë plagosur dy fëmijët e Bejtjes. Viktima, raportohet se ishte shofer në Prokurorinë e Apelit, ndërkohë që njëri prej fëmijëve, 13-vjeçari, ndodhet në gjendje të rëndë shëndetësore.
Lexo edhe:
Nga refuzimi i azilit te atentati me 1 viktimë e dy fëmijë të plagosur/ Misteri mbi Gentjan Bejtjan
Discussion about this post