Asnjë gjurmë të autorëve për masakrën në zonën e “Don Boskos” ku humbi jetën 1 person dhe 4 të tjerë u plagosën rëndë. Vëllai i viktimës, Erion Çela, Blerim Çela ka mohuar të ketë lidhje më këtë ngjarje, duke pretenduar se nuk ka konflikte me askënd dhe objektivi I atentatin nuk ishte ai dhe vëllai I tij.
“Autorët mund të na kenë ngatërruar. Nuk kemi qenë ne objektiv i atentatit. Nuk kemi konflikte me askënd”, ka deklaruar ai.
Sakaq grupet hetimore kanë zbuluar se, Blerim Çela është përfshirë në trafikun e drogës në shtetit italian, njëlloj si daja i tyre, Edmond Crroj.
Sipas dosjes së hetimit, referuar dëshmisë së dhënë nga Urim Crroj, daja i viktimës, mësohet se dy vëllezërit Çela janë të përfshirë në trafikun e drogës, çfarë shton dyshimet e hetuesve se pikërisht dy vëllezërit mund të ishin po ashtu shënjestra e atentatit.
Megjithatë, në trafik droge dhe në prostitucion ishte i përfshirë edhe daja tjetër i tyre, Edmond Crroj, i cili gjithashtu u plagos pasditen e 4 janarit. Ky i fundit mbetet gjithashtu në fokus të hetimeve si objektiv i këtij sulmi.
Discussion about this post