Detaje të reja janë zbardhur lidhur me atentatin e ndodhur mbrëmjen e djeshme në Lushnjë ku u ekzekutua një person dhe 5 të tjerë ngelën të plagosur dy prej të cilëve në gjendje të rëndë. Sipas burimeve viktima 34-vjeçari Bledar Muçaj ishte i martuar me mbesën e shtetasit Roland Shyti, ndërsa njëri nga të plagosurit në atentat, 32-vjeçari Judin Velo, ishte nipi i Roland Shytit dhe kunati i Muçës. Roland Shyti njihet ndryshe edhe si “mustaqe kuqi” dhe anëtar i bandës “Hakmarrja për drejtësi”. Çka ngrihen dyshimet paraprake se ngjarja e rëndë mund të ketë ndodhur si pasojë e lidhjes familjare të viktimës me bandën famëkeqe “Hakmarrja për drejtësi”.
Sakaq kujtojmë se të plagosur nga kjo ngjarje mbetën edhe personat e identifikuar si Judin Velo, 32 vjeç, Ervis Tafa, 25 vjeç, Sara Liçi, 24 vjeçe, Eksara Sauli, 26 vjeçe, dhe Majlinda Gjyla, 66 vjeçe.
