Atentati me automatik që tronditi Durrësin, autorët u larguan me “GLE” gri

Zbardhen detaje të reja nga atentati me armë zjarri  në Durrës, që tronditi vendin ditën e sotme.

Dyshohet se ka qenë një person që ka qëlluar me armë zjarri drejt 48-vjeçarit me dy mbiemra Arben Mërkuri allias Maneci dhe më pas është larguar nga vendi i krimit me një mjet tip GLE ngjyrë gri me  targa që dyshohet të jenë të vjedhura.

Mësohet se drejt Mërkurit është qëlluar me më shumë se dy plumba pranë dyqanit të tij në Sukth ku dy prej tyre kanë depërtuar në turp duke i shkaktuar të riut vdekjen rrugën për tek spitali i rajonal i Durrësit.

Policia ka shkuar në vendin e ngjarjes për të zbardhur të plotë dinamikën e atentatit, ndërsa janë ngritur postblloqe në hyrje-daljet kryesore të qytetit të Durrësit, për kapjen e autorëve.

Theksojmë sërish se 48- vjeçari dyshohet se është vrarë për prishje të pazareve të drogës pasi rezulton si person me precedentë të mëparshëm kriminalë në fushën e narkotikëve.

Ai gjithashtu rezulton të jetë një prej personave që dhunuan biznesmenin libanez në 2016. Pjesëmarrës në këtë ngjarje ishin njerëz “të rrezikshëm” dhe subjekt i OFL-së.

Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit.