Policia po zhvillon kontrolle në disa banesa pas ekzekutimit të Shpati Lena, 37-vjeç dhe Hakim Xhezo, 34 vjeç në autostradën Fier-Vlorë.
Lena dhe Xhezo që u vranë sot në atentat në Vlorë lëviznin me makinë të blinduar. Autorët duket se kanë qenë duke i ruajtur dhe sapo kanë vënë re që kishin marrë automjet tjetër, kanë vënë në zbatim planin për atentat.
Sipas hetimeve dhe burimeve për gijotina.com bëhet me dije se autorët kanë ndjekur çdo lëvizje të viktimave dhe në momentin e ekzekutimit kanë shkuar paralel me mjetin “Benz” të viktimave dhe kanë hapur zjarr, më pas janë larguar nga vendi i ngjarjes.
Plumbat bënë që mjeti ku ishin Xhezo e Lena të humbte kontrollin e të përfundonte në kanal, duke mos u lënë asnjë mundësi shpëtimi. Makina nga e cila ata qëlluan në drejtim të viktimave u gjet më pas e djegur në fshatin Frakull ndërsa brenda saj ishin edhe 3 automatikë.
Discussion about this post