Nga Alba Kepi/ Në intervistën e sapo dhënë këtë mbrëmje për gazetaren italiane Lilli Gruber, drejtuesi i emisionit investigativ Report, Sigfrido Ranucci, foli hapur për presionet, kërcënimet dhe hetimet që kanë shoqëruar punën e tij dhe redaksinë pas publikimit të disa dosjeve të forta mbi korrupsionin dhe krimin ndërkombëtar.
Ranucci iu referua edhe çështjeve që lidhen me Shqipërinë dhe me projektet që përfshijnë migrantët shqiptarë, duke theksuar se hetimet e “Report” kishin treguar të vërtetën.
“Çështja ka ngritur shumë debat publik”, tha ai, gazetari Rannuci nënvizoi se ekipi i tij kishte paralajmëruar për problemet në qendrat që menaxhojnë migrantët në Shqipëri, një projekt që sipas tij dështoi plotësisht.
“Sa i përket fakteve që kemi treguar për qendrat që menaxhojnë migrantët në Shqipëri, në fund doli që kishim të drejtë ne. Pikërisht falë atij hetimi…”
“Unë dua të jem optimist dhe të qëndroj te faktet. Faktet që kemi treguar dëshmojnë se kishim të drejtë. Qendrat në Shqipëri kanë qenë një dështim.”
Ranucci zbuloi gjithashtu se, pas publikimit të një tjetër hetimi mbi narkotrafikun shqiptar të lidhur me kartelin meksikan të Sinaloas, kishte marrë sinjale kërcënuese që shkonin përtej fjalëve.
“Pas atij hetimi që bëmë mbi narkotrafikun shqiptar të lidhur me kartelin meksikan të Sinaloas, mora disa sinjale nga një avokat që ishte ngarkuar nga ndërmjetës të kartelit për të përgatitur kallëzime kundër meje me qëllim delegjitimimin tim. Dhe nëse ato nuk do të funksiononin, do të kishte ndodhur edhe ndonjë ‘incident’ i natyrës së ndryshme. Pra, kishte edhe kërcënime të fshehta.”
Në vijim të bisedës me Lilli Gruber, Ranucci foli edhe për hetimet e ardhshme të “Report”, që prekin fusha të ndjeshme të lidhjeve midis politikës, ekonomisë dhe krimit të organizuar:
“Me shumë nga hetimet për të cilat kemi folur edhe sot me prokurorët, ata donin të kuptonin nëse kishte ndonjë lidhje me hetimet e mëparshme, por edhe me ato që janë në ndërtim.”
“Një ditë më parë unë kisha publikuar në profilin tim disa tema — një pistë financimesh që përfundojnë në duart e kompanive fiktive; ajo e rikthimit tek lufta që zhvillohet pas kuintave të Komisionit Antimafia; do të rikthehemi te masakrat mafioze; do të rikthehemi tek infiltrimi i ‘Ndranghetës’ në administratat publike. Janë tema që të bëjnë të ngresh antenat.”
Mbi antentatin Rannuci u shpreh se “fakti që kane shkaktuar ndezjen, aktivizimin në atë moment shpërthimi nga larg, do të thotë që ai që e vendosi, di si lëviz unë, ku shkoj, çfarë bëj dhe kush lëviz pranë teje. Domethënë, çdo anëtar i familjes time mund të goditej në çfarëdo mënyre.”
Discussion about this post