Atentati me tre të vdekur në Fushë-Krujë, autorët zbrazën 50 plumba ndaj makinës

Detaje të reja janë zbardhur nga atentati në mbikalimin e Fushë-Krujës ku mbetën të vrarë tre persona ende të paidentifikuar.

Burime nga policia e Durrësit bëjnë me dije se drejt automjetit në mbikalimin e Fushë-Krujës është qëlluam me breshëri automatiku dhe janë zbrazur 50 plumba, duke vrarë tre personat që ishin brenda.

Njëri prej viktimave ka dalë nga makina dhe dyshohet se nuk i ka mbijetuar plagëve të marra. Dy të tjerët janë djegur të gjallë në makinë. Policia ka rrethuar zonën dhe ka ngritur disa postblloqe në aksin Fushë-Krujë Vorë dhe drejt Kamzës.