Atentati me tritol në Vlorë, shoqërohen 3 persona, e kaluara e errët e “shënjestrës”

Janë shoqëruar tre persona të dyshuar për atentatin me tritol të ndodhur mbrëmjen e djeshme në Vlorë. Burimet bëjnë me dije se automjeti në të cilin u vendos lënda plasëse ishte e braktisur. Mendohet se sasia e tritolit ishte e vogël rreth 150 gr.

Paraprakisht grupet hetimore po zbulojnë të shkuarën e “të shënjestruarit”, Bernard Sinomati. Sipas burimeve, Sinomati është arrestuar në vitin 2015 nga policia Vlorë për armëmbajtje pa leje. Gjithashtu ai rezulton i dënuar në Belgjikë ku nga burgu ka dalë një vit më parë, ndërsa aktualisht ai ndodhet jashtë Shqipërisë.

Për atentatin me tritol ndaj tij, policia po këqyr pamjet nga kamerat e sigurisë për të parë kohën kur është vendosur sasia e tritolit.