Gjykata e Posaçme dënoi me 25 vite burg, 5 personat e akuzuar për atentatin ndaj ish prokurorit Arjan Ndoja dhe mikut të tij, Pëllumb Muharremi, ngjarje e ndodhur në nëntor të vitit 2019.
Sipas Prokurorisë së Posaçme, këta persona nga gushti i vitit 2019 kanë nisur ndjekjen ndaj Arjan Ndojës dhe Aleksandër Lahos, si dhe kanë siguruar armët dhe automjetet për të kryer vrasjen.
Po ashtu, këta persona akuzohen për sigurim kushtesh për të kryer eleminimin e Arjan Ndojës dhe Aleksandër Lahos edhe pas atentatit të ndodhur më 1 nëntor 2019, ku humbi jetën shoferi Andi Maloku.
Më herët për këtë ngjarje është dënuar me burg përjetë Redjan Rraja dhe 35 vite burg Ariol Halilaj.
Masat e dënimit për secilin nga te pandehurit:
Ramazan Rraja 6 vjet burgim;
Genti Nderjaku 5 vjet e 4 muaj;
Bashkim Haxhija 4 vjet e 8 muaj
Endrit Sinani 4 vjet e 8 muaj;
Julian Pjetri 4 vjet e 4 muaj;
SPAK kishte kërkuar dënimin me 43 vite në total për 5 anëtarët e grupit kriminal që siguruan kushte e mjete për të kryer atentatin, por që dënimi konvertohej me zbritjen e 1/3 së tij për shkak të gjykimit të shkurtuar.
Sipas Prokurorisë së Posaçme këta shtetas nga gushti i vitit 2019 kanë nisur ndjekjen, e Ndojt dhe Lahos dhe kanë siguruar armët dhe mjetet për të kryer vrasjen.
Gjithashtu grupi kriminal, pas dështimit të objektivit, kanë siguruar kushte për të kryer vrasje edhe pas atentatit të 1 nëntorit të 2019.
gijotina.com/
Discussion about this post