Athina u terrorizua mbrëmjen e djeshme nga një skenë e mirëfillte lufte, pas sulmit me armë zjarri ndaj një shqiptari. Sipas mediave vendase, një shqiptar hapi zjarr ndaj një bashkëkombasi të tij ndërsa një dëshmitar pa gjithë ngjarjen. Sipas tij, shqiptari i cili kishte një plumb në bark hyri në lokalin e tij për t’i shpëtuar plumbave.
“Në orën 10 viktima ka ardhur në dyqan. Kur erdhi në fillim ishte mirë dhe më pas filloi të djersiste. Ai kishte një plagë në bark. Ne një plumb pamë në bark asgjë tjetër. Fillimisht pamë gjakun dhe më pas kuptuam se ishte një plumb”, tha Thanasis, pronar i një kafeneje në rrugën Chiou ku i plagosuri kërkoi strehim pas përleshjes.
Në fakt, i riu ka shkuar atje duke drejtuar motorin e tij i gjakosur dhe me plumba për 500 metra. Megjithatë, ai arriti të shihte njeriun që e qëlloi.
“Na ka thënë se ka pasur kapele dhe syze të zeza. E ka qëlluar një herë, por më pas na kanë thënë nga lagjja dy dhe tre, por ai është goditur nga një plumb në stomak. Ai erdhi dhe thirri për ndihmë”, shton ai.
Discussion about this post