Autorët e dyshuar për vrasjen e shqiptarit Xhovan Papaj në Angli kanë rënë sot në prangat e policisë. Të akuzuar për vrasjen e të riut, janë personat e identifikuar me emrat Ciaran Stewart, 18 vjeç, dhe një djalë 17-vjeçar nga Ilford.
Dje, oficerët e policisë akuzuan gjithashtu Donte Simpson-Palmer, 18 vjeç, Mohammed Miah, 25 vjeç dhe Nathan Turner, 28 vjeç, si bashkëpunëtorë dhe për ngritjen e një plani për të kryer grabitje.
Turner u akuzua për shitje të lëndëve narkotike. Sakaq, vijojnë hetimet nga autoritetet vendase për ngjarjen e rëndë.
Xhovan Papaj, 25 vjeç u qëllua për vdekje nga disa persona pas një sherri në Britani të Madhe pak ditë më parë. 25-vjeçari shqiptar u qëllua për vdekje mëngjesin e së shtunës në Kent, më 4 dhjetor.
Sipas autoriteteve britanike, ai kishte plagë të shumta në trup. Lidhur me ngjarjen, janë njoftuar të afërmit e viktimës ndërsa në rrjete sociale ka pasur mesazhe ngushëlluese për Papajn.
Discussion about this post