Policia e Tiranës ka nxjerrë njoftimin zyrtarë në lidhje me atentatin e mbrëmjes së sotme në autostradën Tiranë-Durrës, Sipas policisë, ngjarja ka ndodhur përballë DHL-së, në rrethana ende të paqarta, është qëlluar me armë zjarri drejt një automjeti tip “Land Rover” dhe si pasojë ka ndërruar jetë drejtuesi i mjetit, ende i paidentifikuar.
Policia ka shkuar menjëherë në vendngjarje dhe po vijojnë krehjen e zonës me qëllim kapjen e autorit ose autorëve. Gjithashtu janë ngritur menjëherë pika kontrolli në rrugët interurbane Elbasan e Lezhë.
Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.
Ndërkohë burime për mediat bëjnë me dije se viktima është një 35-vjeçarë ende i paidentifikuar. Mësohet se një makinë tjetër i ka prerë rrugën dhe ka qëlluar duke e lënë të vdekur. Po ashtu dëshmitarë nga vendi i ngjarjes kanë bërë me dije se për një kohë të gjatë kanë dëgjuar breshëri automatiku që në një moment ka ndalur.
Discussion about this post