Detaje të reja kanë dalë në lidhje me atentatin e një dite më parë në zonën e Don Boskos në Tiranë, ku mbetën të plagosur 45-vjeçari Kastriot Elezaj dhe 22-vjeçari Ronaldo Metushi.
Në foton e marrë nga një kamera siguri është automjeti që dyshohet se u përdor nga autorët dhe me të cilën ata u larguan nga vendngjarja, për ta djegur më pas.
Mjeti është gjetur i djegur në zonën e Qerekës, territor nën varësinë e Komisariatit Nr. 5. Brenda këtij mjeti është gjetur edhe një armë zjarri, për të cilën ekspertiza është duke kryer veprimet e mëtejshme hetimore.
Dy të plagosurit kanë lidhje shoqërore ndërsa po verifikohet dhe e kaluara e tyre. Njëri prej tyre, Kastriot Elezaj rezulton të jetë me precedentë penalë.
Lexo edhe:
Atentati në ‘Don Bosko’/ Dëshmojnë dy të plagosurit: Po pinim kafe, nuk kemi konflikte…
Discussion about this post