Detaje të reja janë zbuluar për gjendjen shëndetësore të personave që mbetën të plagosur gjatë atentatit të ndodhur ditën e djeshme në Tiranë, në zonën “Don Boskos”.
Mësohet se, Arben Dani dhe Azbi Selmanaj ndodhen në pavion dhe janë jashtë rrezikut jetën, ndërsa Edmond Crroj i cili mbeti i plagosur në pjesën e barkut, i është nënshtruar një ndërhyrje kirurgjikale dhe ndodhet në gjendje të rënduar.
Po ashtu në gjendje të rëndë është edhe vëllai i viktimës i cili ka mbetur i plagosur në pjesën e fytyrës. Mësohet se me kërkesë të familjarëve, Blerim Çela tashmë po merr trajtim shëndetësor në një spital privat. Viktimë e këtij atentati mbeti 35-vjeçari Erion Çela, i njohur ndryshe edhe me emrin Adriatik Çela.
Megjithëse, flitet se autorët kanë ngatërruar objektiv, pasi dyshohet se shënjestër e atentatit mund të ketë qenë daja i viktimës, Edmond Crroj, i cili mësohet se ka pasur probleme me drejtësinë jashtë shtetit.
Discussion about this post