Genci Cacit mbeti i vrarë së bashku me Edison Harizajn. Së fundmi ka folur dhe Gjergji, babai i Gencit ku ka treguar si e ka marrë vesh lajmin.
Caci tha se në momentin që ka marrë vesh lajmin ka qenë më bashkëshorten në Tiranë. Më pas, me të marrë vesh lajmin është nisur me urgjencë drejt spitalit të Durrësit, ku ndërroi jetë dhe i biri.
“Djali jonë nuk kishte asnjë konflikt. Atë ditë unë dhe bashkëshortja, jam gjendur në Tiranë. Në drekë, bashkë me bashkëshorten shkuam në shtëpi. Genci sapo ishte ngritur nga gjumi. U nisëm për në Vlorë pasi do të bënim një vizitë tek një kushëri i joni. Në mbrëmje nga telefonuan dhe na thanë se Genci ishte plagosur. U nisëm me urgjencë drejt Durrësit, më pas në spitalin e Traumës. Genci ndërroi jetë më vonë. Në lidhje me makinën, nuk e dija që ishte në emër të djalit,”-thuhet në dosje.
Kujtojmë që Harizaj u vra më 7 nëntor 2018, ku mbeti i plagosur dhe më pas ndërroi jetë në spital edhe Genci Caca.
Emri i Harizajt ka dalë disa herë gjatë hetimeve për zbardhjen e ngjarjeve të rënda kriminale, përfshirë vrasjen e gjyqtarit Skerdilajd Konomi, apo zhdukjen e Albano Xhaferrit në Vlorë, si dhe vendosje gjobash ndaj biznesmenëve të ndryshëm në vend. Ai njihej edhe si mik i Emiljano Shullazit.
Discussion about this post