Detaje të reja janë zbardhur lidhur me atentatin e mbrëmjes së sotme në Kamëz. Burime bëjnë me dije se nga hetimet e deritanishme viktima 30- vjeç Can Kariçi kishte njohje me dy viktimat, Eriges Mihasin dhe Armand Dumani, të cilët u vranë me breshëri armësh nga një automjet në lëvizje në zonën e Astirit, ngjarje e ndodhur në nëntor të këtij viti.
Po ashtu burime bëjnë me dije se viktima ishte mik i Ervis Martinaj, emri i të cilit është lakuar disa herë në ngjarje kriminale.
Dyshohet se Kariçi është pjesë e sagës së vrasjeve mafioze, lidhur kjo edhe nga fakti se ai është njohur me Dumanin dhe Mihasin.
Është përdorur e njëjta skemë e fshehjes së gjurmëve të krimit ajo e djegies së makinës me të cilën autorët kanë kryer vrasjen. E në këtë mënyrë identifikimi i tyre bëhet më i vështirë.
Sakaq, policia ka rrethuar zonën dhe vijon krehja e saj për të bërë të mundur kapjen e autorit/ëve.
Po punohet për zbardhjen e të shkuarës së viktimës. Ndërsa, grupi hetimor nën drejtimin e Prokurorisë vijon punën për zbardhjen e rrethanave të ngjarjes, sekuestrimin e çdo prove të mundshme materiale që shërben për identifikimin e autorëve.
Discussion about this post