30- vjeçari Can Kariçi u qëllua sapo doli nga një lokal në lagjen e Bathores, ky është raportimi i fundit nga gijotina.com. Gjithashtu burime bëjnë me dje se në makinën e tij tip “Golf” ku u gjend i vdekur është gjetur një armë që u sekuestrua në cilësinë e provës materiale. Dyshohet që kjo armë të jetë e vetë viktimës, i cili mesa duket i druhej një atentati të tillë dhe sigurohej që të mbrohej.
Kariçi ishte person me precedent penale, për vjedhje dhe armëmbajtje pa leje, ndërkohë në 2018 u arrestua edhe për një plagosje me thikë.
Burime bëjnë me dije se viktima ishte mik i Ervis Martinaj, emri i të cilit është lakuar disa herë në ngjarje kriminale.
Dyshohet se Can Kariçi është pjesë e sagës së vrasjeve mafioze, lidhur kjo edhe nga fakti se ai është njohur me dy viktimat Dumanin dhe Mihasin. Është përdorur e njëjta skemë e fshehjes së gjurmëve të krimit ajo e djegies së makinë me të cilën autorët kanë kryer vrasjen. E në këtë mënyrë identifikimi i tyre bëhet më i vështirë.
Discussion about this post