Dy ditë më parë, persona ende të paidentifikuar, qëlluan me armë zjarri në drejtim të një mjeti në lëvizje, brenda së cilit, udhëtonin Blerim Preçi dhe Klisman Preçi.
Detaje të reja dalin në dritë nga ngjarja që ndodhi në Lezhë. Kamerat e sigurisë kanë fiksuar mjetin që është përdorur në këtë atentat por ende nuk është identifikuar targa e makinës.
Mësohet se pamjet filmike nuk janë të qarta dhe do të dërgohen për ekzaminim të specializuar në Tiranë. Autorët i kanë ndjekur lëvizjet e kushërinjve Preçi.
Burime nga prokuroria e Lezhës, bëjnë me dije se pista kryesore e hetimeve është përqendruar tek prishja pazareve të drogës mes grupeve në vendet e Bashkimit Evropian, ku jeton Blerim Preçi bashkë me të vëllan.
Në dëshminë e parë në polici shënjestra e atentatit, ka deklaruar se nuk ka konflikte, por hetuesit po kalojnë në sitë të gjithë veprimtarinë e tij në vendet e BE.
Discussion about this post