Zbulohen detaje të reja në lidhje me atentatin e një ditë më parë në Lushnje, ku është plagosur me 2 plumba në bark 44-vjeçari Kujtim Meta. Nga hetimet paraprake, rezulton se Meta ishte mik i ngushtë me Besmir Hidën, me këtë të fundit që u ekzekutua në vitin 2019. Hida gjithashtu është daja i Zamir Latifit, që u ekzekutua në masakrën e Lushnjës në 2017.
Për masakrën, një prej emrave të akuzuar është Laert Haxhiu, i cili është midis emrave të shumëkërkuarve të nga Policia e Shtetit. Kujtojmë që për masakrën e Lushnjës, është dënuar Orger Bilbili dhe Anterio Kaloshi, madje bëhet e ditur se hetimet për atentatit janë përqendruar rreth këtyre dinamikave.
Kujtim Mema është plagosur në bark, ku ka marrë 2 plumba dhe pas ndihmës së parë në spitalin e Lushnjës është dërguar në Tiranë. Autori lëvizte më këmbë dhe ka qenë i vetëm. Në vendin e ngjarjes janë sekuestruar pamjet e kamerave të sigurisë të bizneseve dhe lokalit ku ka ndodhur ngjarja. Janë marrë në pyetje dhe disa dëshmitarë. Ata kanë pohuar se ka qënë një person që lëvizte në këmbë dhe ka qëlluar disa herë, jo në drejtim të 44-vjeçarit. Për këtë arsye, policia ka ngritur disa postblloqe dhe është vënë pas autorit, ndërkohë që pritet që pamjet e kamerave të sigurisë të ndihmojnë në zbardhjen e krimit.
Discussion about this post