Nënkryetari i Partisë Demokratike, Luçiano Boçi, ka bërë deklarata të forta mbrëmjen e sotme në emisionin “Ora e Betit” në Ora News, duke akuzuar struktura të larta të Policisë së Shtetit për lidhje të drejtpërdrejta me krimin e organizuar.
Sipas Boçit, bashkëpunimi mes policisë dhe grupeve kriminale nuk është një fenomen i ri, por një realitet i provuar ndër vite, që tashmë ka kaluar në faza edhe më të avancuara.
Ky fakt është provuar edhe më parë. Madje është provuar edhe në nivele më të larta të policisë së shtetit që këto nivele bashkëpunojnë ngushtë me krimin e organizuar,” – u shpreh Boçi.
Ai shtoi se disa drejtues policie nuk janë më thjesht persona të korruptuar që marrin pagesa nga grupet kriminale, por janë bërë pjesë aktive e aktivitetit të tyre, duke ndarë fitime dhe menaxhuar bashkërisht trafiqe e pastrim parash.
“Kanë hyrë tashmë në aksione, në pjesë të fitimit, në menaxhim të trafiqeve, të pastrimit të parave dhe të bizneseve të përbashkëta, kuptohet me emra të tjerë,” – theksoi ai, duke shtuar se mbështetja kryesore e këtij sistemi vjen nga politika.
Sipas Boçit, paqja që shpesh shihet mes grupeve kriminale nuk është rastësi, por ndodh vetëm në periudha zgjedhore, kur interesat politike dhe ato të botës së krimit përkojnë.
“Prapa kësaj dysheje gjithmonë qëndron një politikan. Paqja në krimin e organizuar ndodh vetëm në periudha specifike – dhe këto janë periudhat e zgjedhjeve,” – tha Boçi.
Discussion about this post