Atentati në Shkodër, kush është 20-vjeçari që u gjet i vrarë në oborrin e shtëpisë (Emri)

Policia e Shkodrës ka dalë me një komunikatë për mediat në lidhje me vrasjen me armë zjarri të regjistruar rreth orës 14:50, në fshatin “Guci e Re”.

Autoritetet bëjnë me dije se viktima është shtetasi Paulin Preka, rreth 20 vjeç. Burime bëjnë me dije ai është gjetur nga familjarët i vrarë në oborrin e banesës së tij.

Ai ishte goditur me një plumb të vetëm në gjoks.

Mësohet se Pavlin Preka jetonte i vetëm në shtëpinë e tij. Ai nuk ka patur një pune fikse, por ka ndihmuar babanë e tij në Dukagjin me bagëtitë.

Raportohet se ka qenë xhaxhai i tij, i cili pasi nuk iu është përgjigjur në telefon, ka shkuar dhe e ka gjetur të vdekur.

Policia e Shkodrës ka shkuar në vendin e ngjarjes, teksa bën me dije se autorit/ët janë ende të paidentifikuar.

Autoritetet policore thonë se është ngritur një grup i posaçëm  hetimor dhe nën drejtimin e Prokurorisë po punon për sqarimin e rrethanave, dokumentimin ligjor, identifikimin dhe kapjen e autorit/ve.

Xhaxhai i viktimës tha se nuk dinte që nipi të kishte probleme me njeri dhe kërkoi ndihmën e Policisë për zbardhjen e plotë të ngjarjes.

“Paulini është djali i vëllait tim, nipi. Lajmin e kam marrë vesh para 20 minutash. Fillimisht na thanë se është therur me thikë. Nuk ka shumë që e mora vesh. Nuk e di se nipi kishte probleme me kënd. Nuk e kemi idenë pse e kanë vrarë. Ka jetuar mes Dukagjinit dhe Gucisë. Në Dukagjin merren si familje me bagëti. Gjendja ekonomike është diçka, sa për të ngrënë një kafshatë bukë”, tha ai.