Atentati në Shkodër, reagon policia: 55-vjeçari u qëllua pranë shtëpisë

Policia ka reaguar për atentatin e shënuar mëngjesin e sotëm në Shkodër, ku u ekzekutua 55- vjeçari Nazmi Bandulla.

Sipas bluve, ngjarja ka ndodhur rreth orës 08:15, në lagjen “Partizani”, Shkodër, në rrethana ende të paqarta.

55- vjeçari Nazmi Bandulla është banues në lagjen “Partizani” në Shkodër, ndërsa burime pranë gijotinës, bëjnë me dije se ai është ekzekutuar në lagje jo shumë larg banesën ku jetonte.

Nuk dihen ende autorët, të cilët pasi kanë qëlluar me breshëri drejt Bandullës janë larguar menjëherë nga vendi i ngjarjes.

Bandulla nuk është emër i panjohur për policinë dhe drejtësinë shqiptare.

Shërbimet e Policisë kanë rrethuar zonën dhe vijon krehja e saj, me qëllim kapjen e autorit.

Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e plotë të rrethanave të ngjarjes.