Atentati në Shkodër/ U raportua i vdekur, biznesmeni në gjendje të rëndë në sallën e operacionit

Një atentat i frikshëm ka ndodhur mbrëmjen e sotme në fshatin Stom-Golem të Shkodrës, ku ka mbetur i plagosur rëndë 75 vjeçari Lulash Qepuri.
I moshuari që fillimisht është raportuar i vdekur për shkak se në spital ka mbërritur pa shenja jete, ndodhet në sallën e spitalit të Shkodrës në gjendje të rëndë.
Autori ka qenë i maskuar dhe lëvizte në këmbë, në momentin që i është afruar lokalit ka qëlluar 16 herë në drejtim të viktimës.
Djali i viktimës, Lulash Qepuri i është kundërpërgjigur autorit me kallashnikov, për rrjedhojë është shoqëruar në polici.
Ngjarja ka ndodhur rreth orës 22:00, ku Qepuri është qëlluar me shotgun në lokalin e tij.
74-vjeçari ka shkuar në spital në gjendje kritike për jetën. Burime bëjnë me dije, se djali i 74-vjeçarit ka marrë i alarmuar policinë në celular dhe u ka thënë se i kanë vrarë babanë. Rrethanat e kësaj ngjarjeje janë ende të paqarta.
Policia është vënë menjëherë në lëvizje dhe ka shkuar në vendngjarje për zbardhjen e plotë të saj.
Qepuri, i cili mbeti sot i vrarë, është arrestuar në vitin 2011 pasi në banesën e tij dhe lokalin i është sekuestruar armë zjarri, municione luftarake si dhe fara të bimës narkotike kanabis sativa.