Konfliktet për borxhe është një nga pistat për vrasjen e Iljaz Çalit në Tiranë dy ditë më parë. Ka qenë vëllai i viktimës që ka treguar tek hetuesit me emra personat me të cilët është konfliktuar Çali.
Sipas tij, Rrahim Dedaj dhe Ilir Çami janë personat e vetëm që kanë pasur probleme me vëllezërit e tij, madje pretendoi se i kanë pasur shumën prej 1 milionë dollarësh borxh.
Dedja, rezulton të jetë një biznesmen kromi dhe zotëron disa galeri në zonën e quajtur “Fushë-Lopë” në Bulqizë. Ndërsa Ilir Çami, rezulton të jetë pronar i kompanisë “Drini Bulqiza”, i cili ka marrë leje shfrytëzimi për galeritë Nr. 45-47 deri gal 29 tek zona “D” në Bulqizë.
Me të dy, vërtetohet se viktima Iljaz Çali, i cili prej vitit 2011 zotëronte kompaninë “Çami-Metal”, kishte një konflikt të theksuar për sa i përket gërmimeve të paligjshme që kryheshin në territorin e tij. Rrahim Dedja, sipas dy vëllezërve i kishte blerë një sasi prej 2400 ton mineral dollarë, me vlerë prej 1 milion euro. Para që nuk i kanë marrë kurrë pas edhe pse kishin kaluar 3 vite, e pikërisht kjo shumë ka ngjallur konflikte verbale prej disa kohës. Madje dhe natën e krimit, i vëllai dëshmoi se Çali po debatonte me dikë në celular.
Si Dedja dhe Ilir Çami, mësohet të jenë shoqëruar në polici, ku dhe kanë deklaruar mbi përplasjet që kanë pasur me Iljaz Çalin dhe vendodhjen e tyre mbrëmjen kur është kryer vrasja në autostradë, e më pas janë lënë të lirë. Derimë tani të dy janë përjashtuar në mënyrë kategorike implikimin e tyre në këtë ngjarje të rëndë. Po ashtu, Rrahim Dedja, rezulton të jetë dhe anëtar në Këshillin Bashkiak të Bulqizës, ku përfaqëson Partinë e të Drejtave të Mohuara.
Discussion about this post