Uniformat blu kanë sekuestruar kamerat e sigurisë në zonën ku ndodhi atentati ndaj Indrit Sadedinit natën e mbrëmshme. Mësohet se është identifikuar autori, identiteti i të cilit ende nuk është bërë publik. Sipas burimeve autori gjatë kohës që ka vënë lëndën plasëse në vendngjarje ka tentuar të mbulohet me një karton, teksa kishte vënë një kapuç në mënyrë që të mos identifikohej.
Indrit Sadedinit iu bë atentat teksa po lëvizte me automjet të blinduar, teksa lënda plasëse i është vënë në rrugën që ai pritej të ndiqte për të shkuar në banesën e tij. Lënda plasëse ishte fshehur nga atentatorët në një kuti kartoni dhe është aktivizuar me telekomandë, duke shpërthyer kur shënjestra e atentatit ishte në këmbë. Sadedini u plagos dhe u dërgua në Spitalin e Traumës në Tiranë. Mësohet se pista kryesore e hetimit është ajo e pazareve të prishura për lëndë narkotike.
Discussion about this post