Tetë persona janë shoqëruar gjatë natës në polici lidhur me atentatin e mbrëmjes së djeshme në Vlorë, ku mbeti i plagosur Diego Hanaj.
Sipas burimeve, të shoqëruarit kanë qenë dëshmitarë të ngjarjes dhe janë marrë në pyetje për të treguar dinamikën e saj. Gjithashtu, policia po monitorin kamerat e sigurisë për të mësuar më shumë rreth atentatit apo autorëve.
Ngjarja e rëndë ndodhi mbrëmjen e djeshme në lagjen “Pavarësia”, ku u plagos me armë zjarri i riu i identifikuar me emrin Diego Hanaj 36 vjeç, i cili fatmirësisht ndodhet jashtë rrezikut për jetën. Burime për Gijotina.com bëjnë me dije se Hanaj është qëlluar me armë zjarri nga një makinë “Range Rover” në lëvizje drejt një supermarketi ku dyshohet se ndodhej i riu.
I plagosuri është kunati i vëllezërve Brahimaj. Isuf Brahimaj u ekzekutua me shpërthim eksplozivi në vitin 2014-të. Ndërsa i ati ka qenë i përfshirë në një vrasje në rrethana familjare disa vite më parë. Grupi hetimor po punon ende për identifikimin dhe arrestimin e autorëve.
Discussion about this post