Një person i kërkuar për vrasje për atentatin e një viti më parë në Mbrostar të Fierit u kap dhe u arrestua në Kakavijë. Sipas njoftimit të policisë Ermal Binjaku 28 vjeç nga Fieri, u paraqit në pikën kufitare pak pas mesnatës. Ai po tentonte të futej nga Greqia në Shqipëri, por pas intervistimit dhe verifikimeve të bëra nga punonjësit e policisë në sitemin ‘’TIMS’’, Ermal Binjaku rezultoi se është person në kërkim, pasi: Prokuroria e Rrethit Gjyqësor Fier ka dërguar urdhrin e ndalimit , si dhe ndryshim e veprës penale nga “Sigurimi kushteve për vrasje” në veprën penale “Vrasje në rrethana të tjera cilësuese” . Binjaku akuzohet për vrasjen e Denis Kasës në Mbrostar te Fierit.
