Atenati i ndodhur në Sarandë ka vënë në lëvizje forcat RENEA, të cilat kanë zbarkuar në Kamëz. Ata kanë ushtruar kontrolle në kuadër të hetimeve për vrasjen e 44-vjeçarit Artan Myrtajt. Bëhet me dije se kontrollet janë ushtruar në banesën e Ervis Lamit, nipit të tij dhe një personi tjetër me lidhje miqësore.
Ervis Lami njihet si kreu i grupit të struktura kriminal që po vepron në Sarandë dhe Tiranë, por në banesën e tyre nuk është gjetur asgjë. 44-vjeçari Myrtaj sapo ishte liruar nga burg si i dyshuar për përfshirje në ngjarjen e korrikut të 2025 ku u plagosën 2 miqtë e Ervis Lamit.
Vrasja e Artan Myrtajt
Atentati mafioz ndodhi ditën e djeshmë në Sarandë ku viktimë mbeti 44-vjeçari Artan Myrtaj. Para se të qëllohej me armë zjari Myrtaj ishte ulur në një lokal pranë kryqëzimit të ish-agjencisë ku autorët e qëlluan dy herë.
Autorët kaluan në rrugën ‘Lefter Talo’, ndërsa kur viktima i ka pikasur ka tentuar të largohej me vrap drejt rrugës ‘Vangjel Pandi’, por është vrarë në mes të rrugës. Myrtaj rezulton si i përfshirë në një ngjarje kriminale të ndodhur në 17 korrik 2025 në lagjen nr.4 të Sarandës, ku u plagosën me armë zjarri Ernest Lama dhe Gëzim Hajdaraj nga Kamza.
Discussion about this post