Disa ditë më parë, këngëtarja e njohur Beatriks Ramosaj ka folur hapur për bullizimin që i është bërë në rrjete sociale mbas daljes nga shtëpia e “Big Brother Vip”. Mes personazheve të shumë publik që e mbështetën ishte edhe ish-banorja e “Big Brother” Fjorentina Halili.
E ftuar në emisionin “Shqipëria Live”, ajo ka treguar se videoja e këngëtares e riktheu pas në kohë, kur është bullizuar pasi ka dalë nga “Big Brother.” Ish-banorja është shprehur se i erdhi keq për Beatrix Ramosajn por shtoi se në momentin që merr përsipër të jesh personazh publik duhet t’i pranosh të gjitha.
“Unë u riktheva në vitet e mia kur unë jam bullizuar kur kam dalë nga Big Brother dhe më ka ardhur shumë keq. Por në momentin që ti merr përsipër të jesh një person publik duhet t’i pranosh të gjitha. Do ti marrësh parasysh por jo në këto ekstremitete. Unë kam qenë nga ato që jam mallkuar dhe nga nipi im i vogël që është me probleme, më kanë mallkuar nga familja, më kanë bullizuar në të gjitha mënyrat dhe kam qenë nga ato vajza që nuk i kam lënë njerëzit të më ulin.”
Nga ana tjetër, duke folur për bullizmin që i është bërë asaj, ajo tregoi se e kanë mallkuar në të gjitha mënyrat, por ka zgjedhur t’jua kthejë me të njëjtën monedhë, dhe se sipas saj Beatrix ka bërë gjënë më të mirë që ka reaguar.
“Kam reaguar në rrjetet sociale, me të njëjtën monedhë, mbase edhe më keq me një zhargon që mbase nuk është mirë për një vajzë. Beatrix thjesht ka dashuruar dhe nuk i eci ashtu si mendonte ajo. Ajo është shumë e ndjeshme si person, ka mbajtur në gjithë këto muaj dhe erdhi një moment kur ka reaguar. Është e mbyllur në vetvete. Ka bërë gjënë më të mirë që ka reaguar. Edhe ato që e shajnë dhe e ofendojë ti marri dhe ti bëjë publike të gjitha.”
Discussion about this post