Kontrolli i Lartë i Shtetit ka zbuluar parregullsi në zbatimin e buxhetit të shtetit për vitin 2020. Ky institucion njofton se dëmi ekonomik i shkaktuar në buxhetin e shtetit dhe në buxhetin e shoqërive publike është në vlerën e 126 mijë e 528 lekë si dhe me një efekt financiar negativ në përdorimin e fondeve publike në shumën prej 3 milionë e 727 mijë e 501 lekë.
Në total janë audituar 101 subjekte për buxhetin e vitit 2020 konstatohet se në 39 subjekte janë realizuar 1625 procedura prokurimi në vlerën e fondit limit prej 50 milionë e 403 mijë e 281 lekë pa TVSH. Sipas procedurave janë audituar 356 procedura prokurimi me vlerë 25 milionë e 300 mijë e 490 lekë pa TVSH, të cilat përbëjnë 22% të numrit të procedurave të zhvilluara gjithsej.
Shkeljet janë konstatuar në 191 procedura të cilat arrijnë një vlerë prej 12 milionë e 65 mijë e 559 lekë. Pas auditimit raportohet për 314 shkelje gjithsej të natyrave të ndryshme, nga të cilat 172 shkelje janë konstatuar në fazën e përgatitjes së dokumenteve të tenderit, 88 shkelje në fazën e zhvillimit të procedurave të prokurimit dhe 54 shkelje në fazën e zbatimit të kontratave dhe dorëzimit të punimeve, arkivimit të dosjeve.
Për sa u përket 39 subjekteve të audituara, janë zhvilluar 1108 procedura prokurimi “Procedurë e hapur”, me vlerë limit kontrate të parashikuar prej 42 milionë e 643 mijë e 983 lekë. Nga tenderët e zhvilluar me këtë procedurë, janë audituar 235 procedura me një vlerë limit kontrate të parashikuar prej 19 milionë e 544 mijë e 565 lekë ose 46% e vlerës.
130 procedura u konstatuan me shkelje, të cilat kanë vlerën 8 milionë e 144 mijë 431 lekë ose 55% e fondeve të audituar dhe rezultuan gjithsej 215 shkelje të ndryshme gjatë procedurave të prokurimit dhe kontraktimit, nga të cilat 11 shkelje janë konstatuar në fazën e përgatitjes së dokumenteve të tenderit, 66 shkelje në fazën e zbatimit të kontratave dhe dorëzimit të punimeve, arkivimit të dosjeve dhe 38 në fazën e zbatimit të kontratës.
Gjithashtu janë zhvilluar 15 procedura prokurimi “Me negocim me shpallje paraprake të njoftimit të kontratës”, me një vlerë limit kontrate të parashikuar prej 3 milionë e 885 mijë e 621 lekë.
Nga tenderët e zhvilluar me këtë procedurë, janë audituar 2 procedura me vlerë limit kontrate të parashikuar prej 3 milionë e 177 mijë e 532 lekë, të cilat rezultuan me 3 shkelje gjithsej, nga të cilat 2 shkelje janë konstatuar në fazën e përgatitjes së dokumenteve të tenderit, 1 shkelje në fazën e zbatimit të kontratave dhe dorëzimit të punimeve.
54 procedura prokurimi “Me negocim pa shpallje paraprake të njoftimit të kontratës”, me një vlerë limit kontrate të parashikuar prej 1,462,865 mijë lekë. Nga tenderët e zhvilluar me këtë procedurë, janë audituar 17 procedura me një vlerë limit kontrate të parashikuar prej 1 milionë e 49 mijë e 952 lekë.
Janë zhvilluar 7 procedura prokurimi “Shërbim Konsulence”, me një vlerë limit kontratë të parashikuar prej 97,926 mijë lekë.
Nga tenderët e zhvilluar me këtë procedurë, janë audituar 2 procedura me një vlerë limit kontrate të parashikuar prej 70,869 mijë lekë ose 72% e vlerës, të cilat rezultuan me 5 shkelje gjithsej.
268 procedura prokurimi “Kërkesë për propozim”, me një vlerë limit kontrate të parashikuar prej 791,040 mijë lekë. Nga tenderët e zhvilluar me këtë procedurë, janë audituar 47 procedura me një vlerë limit kontrate të parashikuar prej 235 mijë e 749 lekë.
146 procedura prokurimi “Marrëveshjet kuadër”, me një vlerë limit kontrate të parashikuar prej 46,578 mijë lekë.
Nga auditimi u konstatuan me shkelje 15 procedura në vlerën 3 mijë e 851 lekë, 37% e fondeve të audituara dhe rezultuan gjithsej 16 shkelje të ndryshme gjatë procedurave të prokurimit në fazën e përgatitjes së dokumenteve të tenderit, 15 shkelje në fazën e zbatimit të kontratave dhe dorëzimit të punimeve, arkivimit të dosjeve dhe 1 në fazën e zbatimit të kontratës.
