Një nga partitë kryesore opozitare të Austrisë ka thënë sot se “vendi është nën diktaturë” pasi qeveria e kancelarit të ri “teknik” Alexander Schallenberg ka thënë se të gjithë duhet të vaksinohen brenda shkurtit të vitit që vjen, për të përballuar rritjen e rasteve me Covid.
Sipas Daily Mail, Herbert Kickl, kreu i partisë së djathtë FPO dënoi njoftimin e të premtes nga qeveria që solli dje izolimin kombëtar të të pavaksinuarve, dhe kërkoi ndërhyrjen e gjykatës kushtetuese.
“Populli duhet të paguajë me vaksinim të detyruar pasi prej dy vitesh qeveria nuk ka arritur të mbrojë popullin e saj”.
“Në vend të shtypjes javë pas jave duke nënshtruar njerëzit e shëndetshëm në të drejtat e tyre, ata tani ushtrojë vaksinimin e detyruar që askush nuk do të kishte menduar se mund te ishte e mundur”, tha Kickl.
“Ne nuk do të tolerojmë këtë”, shtoi ai duke kërkuar ndërhyrjen e gjykatës kushtetuese për vlefshmërinë e ligjit.
Ai foli pak pasi kancelari Schallenberg dhe minsitri i shëndetësisë Wolfgang Muckstein thanë se kushdo që nuk janë vaksinuar ndaj Covid do penalizohen me gjoba.
Izolimi i Austrisë nga Schallenberg e Muckstein nisi të hënën dhe do të zgjasë deri të paktën më 12 dhjetor, kur do të bëhet një rivlerësim.
Më herët në Gjermani, Lothar Wieler, kreu i institutit shëndetësor Robert Koch tha se “i gjithë vendi është një shpërthim rastesh” dhe kërkoi mbylljen e bareve, restoranteve e vendeve publike. Tashmë atje të pavaksinuarit kanë më shumë probleme për t’u shtruar në spital.
Discussion about this post