Autobusi urban që ra të premten e kaluar në Tiranë, ka sjellë fillimin e hetimeve nga ana e Prokurorisë së Tiranës pasi ngjarja mund të ishte kthyer në tragjedi.
Prokuroria ka siguruar pamje të shumta rreth ngjarjes, ksuhteve autoteknike të mjetit autobus si dhe janë marrë një numër i madh dëshmish në lidhje me momentin që për fat nuk rezultoi tragjik.
Sipas informacioneve nga organi i akuzës, ka dyshime se ka patur probleme teknike por edhe manovra e shoferit të mjetit nuk ka qënë e duhura. Ndërkohë makina që ishin dy të rinjtë, ka qënë në rrugën e vet kur është marrë para nga autobusi duke përfunduar në Lanë.
Ekspertët kanë filluar hetimet për të zbuluar shkaqet reale që çuan në atë aksident që rrezikoi jetën e dhjetëra personave që gjendeshin brenda, pa llogaritur jetën e dy personave që ishin në mjetin që u mor zvarrë dhe përfundoi poshtë rrotave të urbanit në lumë.
Prokurori i Tiranës, Shpëtim Garunja e ka regjistruar deri tani si kundërvajtje penale, pasi nuk ka viktima dhe të plagosur por të dëmtuar lehtë ndërkohë pritet ekspertiza autoteknike e dy mjeteve që kanë qënë të përfshira në aksident.
Ka dyshime se faji është i autobusit, ndërsa ekspertiza do të jetë ajo që do e përcaktojë edhe shkencërisht nëse mjeti ka qenë apo jo në kushte të mira teknike, apo ka qenë drejtuesi i mjetit ai që ka humbur kontrollin momentin që ka tentuar të shmangë autoveturën.
Discussion about this post