Një aksident i rëndë ka ndodhur në Qafë Thanë- Librazhd, ku si pasojë e përplasjes së dy mjeteve ka ndërruar jetë njëri nga drejtuesit.
Sipas njoftimit të policisë, ngjarja ka ndodhur në aksin rrugor Qafë Thanë-Librazhd, në vendin e quajtur “Gurorja”, ku një autobus me drejtuesin 55-vjeçarin P.C., banues në Përrenjas, është përplasur me mjetin furgon me drejtues 60-vjeçarin, Qani Beqo, banues po në Përrenjas.
Si pasojë e aksidentit ka humbur jetë drejtuesi i fugonit si dhe janë plagosur 4 persona që ishin pasagjerë në autobus, që fatmirësisht ndodhen jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
