Autobusi përplaset me makinë në aksin Fier-Patos, një e lënduar

Një aksident ka ndodhur ditën e sotme në aksin rrugor Fier-Patos, ku  një autobus është përplasur me një makinë tip Skoda. Si pasojë e përplasjes është dëmtuar lehtë pasagjerja që ndodhej në makinë.

Njoftimi i policisë

Në datë 22.05.2023, në aksin rrugor “Fier-Patos”, automjeti tip autobus me drejtues shtetasin A. T., 58 vjeç, banues në Fier, është përplasur me automjetin tip “Skoda” me drejtues shtetasin K. L., 21 vjeç, banues në Librazhd.

Si pasojë e përplasjes, është dëmtuar lehtë pasagjerja në automjetin tip “Skoda”, shtetasja I. L., 20 vjeçe, banuese në Librazhd, e cila pas kontrollit mjekësor, u largua për në banesë.

Drejtuesit e automjeteve janë shoqëruar në Komisariat për kryerjen veprimeve të mëtejshme procedurale.

Grupi hetimor po punon për përcaktimin e shkakut të aksidentit.